«Նոր ՀՀԿ-ն ու ՕԵ՞Կ-ն եք». ավագանու անդամը՝ Փամբուխչյանին

Երևանի քաղաքապետն առաջարկեց Արմեն Փամբուխչյանին նշանակել քաղաքապետի առաջին տեղակալ: Վերջինը կարճ ելույթ ունեցավ, որին հաջորդեցին ավագանու անդամների հարցերը: «Ձեր կենսագրության մեջ 2004-2017 բաց է, ի՞նչ եք արել էդ տարիներին: 2018-ին ասացիք՝ հեղափոխություն եք անելու, ուզում եմ հասկանալ՝ իշխանափոխությո՞ւն էր, թե՞ հեղափոխություն, որովհետև ստեղ ունենք մարդ, որ քրգործով է անցնում, ունենք մարդ, որ փոխքաղաքապետի թեկնածու ա, հայտարարագրի մեջ ոչ մի բան չի գրել, հետո կարդում ես կենսագրությունը, 2023-ին ՍՊԸ-ի տնօրեն է եղել, նախկինում պետական մարմիններում է աշխատել... Նոր ՀՀԿ-ն ու ՕԵԿ-ն ե՞ք»,- հարցրեց «Ազգային առաջընթացից» Պեդրո Զարոկյանը: Փամբուխչյանն ասաց, որ իր կենսագրության մեջ աշխատանքները նշված են ու թվեց դրանք: