«Ալեն Սիմոնյանն ընդունելի համարո՞ւմ է Փաշինյանի արտահայտությունը»․ Էդգար Ղազարյան

ԱԺ մշտական հանձնաժողովների համատեղ նիստում 2024թ. պետական բյուջեի նախագծի քննարկման ժամանակ Նիկոլ Փաշինյանն ասել էր․ «Իմ վարչապետության՝ հանրային երջանկություններով ու ողբերգություններով լեցուն հնգամյա փորձն ինձ հանգեցրել է հետևյալ հայեցակարգային ձևակերպման, որն ուզում եմ առաջարկել որպես պետական հայեցակարգային ուղենիշ: Այդ ուղենիշը հետևյալն է՝ «Հայրենիքը պետությունն է: Սիրո՞ւմ ես հայրենիքդ՝ ուժեղացրու պետությունդ»:

Հասարակական, քաղաքական գործիչ Էդգար Ղազարյանն արձագանքելով Փաշինյանի հայտարարությանը՝ ասել է․ «Ալեն Սիմոնյանը ներկա եղե՞լ է․․․ որովհետև ինքն աղդամցի է, չէ՞։ Ուզում եմ իմանալ՝ իրա հայրենիքի վերաբերյալ Փաշինյանի արտահայտություններն ինքը ընդունելի է՞ համարում։ Ինքը Աղդամում, կարծեմ, մեկի բաղերից նուռ էր գողացել, ինչ էր արել, ասում էր՝ էս իմ հայրենիքն է։ Լավ կլինի՝ իրար մեջ իրենց հայրենիքի պատկերացումները հասկանան, հետո՝ պետականության հետ պատկերացումները հասկանան»։