Պորտալարը վզին փաթաթված նորածնի կյանքը չի հաջողվել փրկել. հիվանդանոցի մեկնաբանությունը
2139 Չորեքշաբթի, 01 նոյեմբերի, 2023 թ., 23:54 Ինչպես տեղեկացրել ենք, «Գրիգոր Նարեկացի» բժշկական կենտրոնում երկու օր առաջ նորածնի մահ է արձանագրվել․ Աիդա Գրիգորյանի առաջնեկը մահացել է ծննդաբերության ժամանակ։ Ծնողները մեղադրում են բժիշկին։ Հոր՝ Աշոտ Հովհաննիսյանի խոսքով՝ նա ծննդաբերությունը սխալ է վարել։ Ասում է՝ կինը հղիության ընթացքում պարբերաբար խորհրդատվության է գնացել, և միայն մեկ անգամ ասվել է, որ պորտալարը փաթաթված է պտղի վզին, որը, սակայն, լուրջ խնդիր չի համարվել։ Աշոտ Հովհաննիսյանը պատմում է, որ բժիշկն ամբողջ ընթացքում հարազատներին ասել է, թե ամեն ինչ նորմալ է, ծննդաբերությունն ընթանում է բնականոն հունով։ Ըստ նրա՝ չնայած կինը միշտ նշել է, որ ցանկանում է կեսարյան վիրահատությամբ լույս աշխարհ բերել երեխային, բժիշկը նման անհրաժեշտություն չի տեսել։ Նկարահանման պահին ծննդաբերությունը վարող բժիշկը տեղում չի եղել։ «Գրիգոր Նարեկացի» ԲԿ-ի մանկաբարձ-գինեկոլոգ Բերսաբե Դարմանյանը, որը ներկա է եղել ծննդաբերությանը, ասել է՝ ծննդաբերական գործունեության առաջին շրջանն ընթացել է հարթ, երկրորդ շրջանում արդեն պտղի ներարգանդային սրտի զարկերի խիստ դանդաղում է արձանագրվել։ Մանկաբարձ-գինեկոլոգի խոսքով՝ առկա է եղել բացարձակ կարճ պորտալար՝ պտղի պարանոցի շուրջ մեկ անգամ փաթաթված։ Աշոտ Հովհաննսիյանն իր առաջնեկի մահվան դեպքով հաղորդում է ներկայացրել ոստիկանություն, դեպքի հետ կապված նախաձեռնվել է քրեական վարույթ։ Քննչական կոմիտեի մամուլի խոսնակ Գոռ Աբրահամյանը «Ֆակտոր»-ին փոխանցել է, որ վարույթը նախաձեռնվել է Քրեական օրենսգրքի 187-րդ հոդվածի երկրորդ մասի հատկանիշներով, այն է՝ «Բուժաշխատողի կողմից մասնագիտական պարտականությունները չկատարելը կամ ոչ պատշաճ կատարելը»։ Պտղի մահվան պատճառները, ինչպես նաև բուժանձնակազմի կողմից հնարավոր մասնագիտական սխալ թույլ տալու հանգամանքները պարզելու համար նշանակվել է փորձաքննություն։ |
«Կան կարիքներ, որոնց ապահովելու առումով չի կարելի ասել՝ փող չկա»․ Փաշինյան
28816.05.2024, 12:30«Ամեն տարի աշխարհում վնասվածքներից 0-18 տարեկան 950.000 երեխա է մահանում». Արմեն Մուրադյան
30016.05.2024, 00:48«Աշխատանքից ազատել են՝ Բագրատ Սրբազանի հետ ողջագուրվելու համար». Գևորգ Թամամյան (տեսանյութ)
35815.05.2024, 12:30Յոլյանի անվան արյունաբանության և ուռուցքաբանության կենտրոնի տնօրենն ազատվել է պաշտոնից (լուսանկար)
39115.05.2024, 11:36Սոճիների ծաղկման շրջանը կարող է դառնալ ալերգիկ ռինիտի սրացման պատճառ
29314.05.2024, 19:48#AstraZeneca-ն խոստովանել է, որ #COVID_19-ի դեմ իր պատվաստանյութը կարող է թրոմբոզ առաջացնել
395930.04.2024, 23:24Կիրանցում սև բերետավորները հարվածել են մի աղջկա գլխին, մյուսի՝ որովայնին
142027.04.2024, 00:30Կիրանցում բերետավորների հարձակումից հետո կանանց են տեղափոխում շտապօգնության մեքենայով (տեսանյութ)
111426.04.2024, 23:24