«Հանձնված հայրենիքը` որպես կանոն, հետ չի նվաճվում». Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրում է. «Հայրենի տխմարները գիտեն, թե պատմությունը ֆուտբոլ է. մի օր մեկը կտիրանա հողին, հաջորդ օրը՝ մյուսը հետ կբերի:
Հանձնված հայրենիքը՝ որպես կանոն, հետ չի նվաճվում: Հազվադեպ նվաճվում է, երբ կա աննկարագրելի կամք և կազմակերպվածություն: Եվ իհարկե, բացառիկ խելք:
Մնացած պարագաներում ազատագրումը բացառված է: Հատկապես նրանց կողմից, որոնք հազար հինգ հարյուր տարի երբեմն ճակատամարտեր հաղթել են, բայց բոլոր պատերազմներում անխտիր պարտվել են: Բոլոր:
Թե բա՝ մենք կվերադառնանք:
Դուք հանձնող, գնացող եք: Եկողներն էլ հաստատ ձեզ պես չեն, որ նորագյուտ իրենց հայրենիքը ձեզ պես հեշտ ու մոլեռանդորեն նվեր տան ու միաժամանակ շարունակեն լափել ու տրնգի տալ»: