«Տուժածների թվում ուսանողներ չկան». ԵՊՀ խոսնակ

ԵՊՀ քիմիայի ֆակուլտետում տեղի ունեցած հրդեհի հետևանքով տուժածները վարչական աշխատակիցներ են, այս մասին լրագրողների հետ զրույցում հայտնել է ԵՊՀ մամուլի խոսնակ Քնար Միսակյանը: «Տուժածների թվում ուսանողներ չկան: Մասնաշենքի աշխատակիցներն ու ուսանողները տարհանվել են»,- ասել է նա: Միսակյանի խոսքով՝ սխալ է վարկածը, թե քիմիական նյութերն են եղել պայթյունի պատճառը. քիմիական ոչ մի նյութի հետ կապ չունի սենյակը: