«Հայաստանում բժշկական ծառայությունները, հետազոտություններն աննկարագրելի թանկ են». Կարեն Հովհաննիսյան

Ռազմական փորձագետ Կարեն Հովհաննիսյանն իր ֆեյսբուքյան էջում գրում է. «Հայաստանում բժշկական ծառայությունները, հետազոտությունները աննկարագրելի թանկ են։ Դրանում համոզվել եմ, երբ նույնատեսակ, դեռ մի բան էլ ավելի որակով հետազոտություններ անցա դրսում։
Խնդրում եմ, ուշադրություն դարձրեք, չեմ ասում բժշկությունը, չեմ ասում բժիշկները, այլ բժշկական ծառայությունը և հետազոտությունը։ Եթե ես դրսում նույն հետազոտությունների համար վճարեցի X գումար, ապա Հայաստանում դրա համար ինձնից պահանջվում էր 3X և ավելի գումար․․․
Կարծում եմ, որ պետք է կարգավորել այս դաշտը, հետազոտությունները նաև կանխարգելիչ են հիվանդությունների համար, ուստի պետք է դրանք լինեն մատչելի, էլ չասեմ՝ ճկուն սակագնային համակարգի մասին:
Առողջություն բոլորիդ»: