Նարեկ Մանթաշյանը «քթի գործով» արդարացվեց

«Րոպեներ առաջ Երևանի առաջին ատյանի դատարանը՝ նախագահությամբ Արման Հովհաննիսյանի, կայացրեց արդարացման դատական ակտ, հայտնի «քթի գործով»»,- այս մասին տեղեկացնում է ինքը՝ ակտիվիստ Նարեկ Մանթաշյանը։Նա ավելացրել է՝ դատարանն արձանագրել է, որ իր արարքում չկա հանցակազմ։

Մեղադրական եզրակացության համառոտ բովանդակության համաձայն, Նարեկ Մանթաշյանին մեղադրանք է առաջադրվել այն բանի համար, որ նա 2020թ. ապրիլի 8-ին իր [email protected] աշխատանքային հասցեին Պետրոս Պետրոսյան անունով գրանցված օգտագիրոջը պատկանող petros.petrosyan2bk.ru էլեկտրոնայի հասցեից ստանալով Աննա Դանիբեկյանի վերաբերյալ անձնական գաղտնիք համարվող տեղեկություններ պարունակող նամակ, այն մասին, որ վերջինս ենթարկվել է քթի վիրահատության, օրենքով չնախատեսված կարգով, առանց Աննա Դանիբեկյանի համաձայնության, գիտակցելով, որ խախտում է վերջինիս անձնական կյանքի գաղտնիությունը, նշված անձական գաղտնիք համարվող տեղեկությունը 2020թ. ապրիլի 9-ին «Հայելի ակումբում» հրավիրված մամլո ասուլիսի ժամանակ հրապարակելու եղանակով տարածել է՝ հասու դարձնելով երրորդ անձանց, այդպիսով, խախտելով Աննա Դանիբեկյանի ՀՀ Սահմանադրության 31-րդ հոդվածով և Եվրոպական կոնվենցիայի 8-րդ հոդվածով երաշխավորված մասնավոր կյանքի անձեռնմխելիության իրավունքը»: