«Արցախի հարյուրավոր եկեղեցիներում չմատուցվեց Ճրագալուցի պատարագ»․ Անի Կաղինյան

Քաղաքացիական ակտիվիստ Անի Կաղինյանի ֆեյսբուքյան գրառումը․ «Երեկ Արցախի Հանրապետության տարածքում գտնվող հարյուրավոր եկեղեցիներում չմատուցվեց Ճրագալուցի պատարագ, ոչ ոք իր օջախ չտարավ Քրիստոսի Սուրբ Ծննդյան Ավետիսի Լույսը։ Ես պատարագին մասնակցում էի Ապարանի սբ Խաչ եկեղեցում, բայց միտքս, հոգիս Արցախում էր: Առաջին անգամ 301թ․ սկսված Արցախում չկան արցախցիներ և Արցախս խավարի մեջ է: Արցախցուն սրիկայաբար խաբեցին, հանեցին իրենց սուրբ հողից, իրենց տներից և սարսափելին այն է, որ շարունակում են խաբել: Այս տարվա ցանկություներիցս մեկն է, որ հայրենատեր, հայրենասեր, իրա հողին ու ջրին կպած արցախցիները՝ միավորվեն, իրար լսեն, իրար հասկանան, ոտքի կանգնեն ու դուրս գան խավարից, իրենց հետևից արթնացնելով բոլորին: Ի պայքար...»։