«Խնդիրը մեր մեջ է, ոչ թե ռուսի, եվրոպացու կամ ամերիկացու». Տիգրան Վարդանյան

ՀՀԿ Խորհրդի անդամ Տիգրան Վարդանյանի ֆեյսբուքյան գրառումը. «Պարզապես Հայաստանի տոտալ մեծամասնության համար Հայրենիքի հանդեպ սերն սկսվում ու ավարտվում է օղու 4-րդ կամ 5-րդ բաժակի դատարկ կենացով: Ես, չեմ կարողանում մեր ազատագրական երգերը լսել, որովհետև հասկանում եմ, որ այսօրվա իրականության հետ այդ երգերն աղերս չունեն: Ես նայում եմ մարդկանց դեմքին, երբ նրանք Հայրենիքի մասին կենաց են ասում, բայց իրականում ցույց են տալիս լեզվի ճարտար լինելը կամ մի քանի բառ ավել իմանալը, հիմնականում՝ դատարկություն:
Այսօր դիտել եմ «Կյանք ու կռիվ» ֆիլմի առաջին ու 2-րդ մասերն ու հերթական անգամ արձանագրել, որ էդ բանակն այսօր ջախջախված է հենց ներսից: Նայել եմ 90-ականների պատերազմի կադրերն, իսկ հետո այսօրվա իրականությանն ու արձանագրել, որ թուրքի ամենահզոր զենքը՝ դավաճան հայն է:
Նայում եմ շուրջս կատարվողին ու արձանագրում, որ մեծամասնությունը թքած ունի ամենի ու ամենքի վրա: Էդ անտեր խնդիրը մեր մեջ է, ոչ թե ռուսի, եվրոպացու կամ ամերիկացու»: