Եթե երեխան վարակվել է, դիմե՛ք մանկաբույժին և հետևե՛ք ջերմիջեցման ճիշտ կանոններին. ԱՆ

1501

Երեքշաբթի, 09 հունվարի, 2024 թ., 18:54

Սուր շնչառական վարակներով պայմանավորված իրավիճակը բնորոշ է այս սեզոնին: Ինչպե՞ս կանխարգելել:
«Եթե երեխան վարակվել է, դիմե՛ք մանկաբույժին և հետևե՛ք ջերմիջեցման ճիշտ կանոններին:

Ջերմիջեցում պետք է կատարել 38,6 և բարձր ջերմության դեպքում, երբ երեխան ջերմության ֆոնին ունի անհանգստություն։

Եթե երեխան ջերմում է, սակայն ակտիվ է, ինքնազգացողությունը լավ է, կարող եք պարզապես թեթևացնել հագուստը, տալ շատ հեղուկներ և կատարել շփումներ սենյակային ջերմաստիճանի ջրով։

Ջերմիջեցնող դեղերից նախընտրելի է օգտագործել օշարակներն ու մոմիկները, ավելի մեծ երեխաների դեպքում՝ նաև դեղահաբերը:

Վիրուսային վարակները չի կարելի բուժել հակաբիոտիկներով. դրանք որևէ կերպ չեն ազդում վիրուսի վրա:

Սպիրտային լուծույթով շփումներ երեխաներին անել չի կարելի, քանի որ երեխաների մաշկը ունի լավ զարգացած ներծծող հատկություն, ինչի արդյունքում կարող են դրսևորվել տոքսիկ էֆեկտներ։

Հիշե՛ք, բալիկի առաջին օգնականն առողջության առաջնային պահպանման օղակի՝ պոլիկլինիկայի մանկաբույժն է, ուստի, եթե երեխան ունի ախտանշաններ, դիմե՛ք բժշկին»,-հորդորում են ՀՀ առողջապահության նախարարությունից:

ԱՐՑԱԽ ԼՐԱՏՎԱԿԱՆ

Եթե երեխան վարակվել է, դիմե՛ք մանկաբույժին և հետևե՛ք ջերմիջեցման ճիշտ կանոններին. ԱՆ

Կարդացե՛ք նաև

Սուր շնչառական վարակներով պայմանավորված իրավիճակը՝ ՀՀ-ում

«Սրանք «բարեփոխված» առողջապահության թվերն են»․ Անուշ Պողոսյան

«Առողջապահությունը փորձարարական հարթակ չէ»․ Անուշ Պողոսյան

«Հիվանդանոցներում պառկելու տեղ չկա»․ Գեմաֆին Գասպարյան

Իսպանիայում առաջին անգամ դեմքի փոխպատվաստում է կատարվել դոնորի էվթանազիայից հետո

«Ե՞րբ և ինչպե՞ս կարող է փոխվել Առողջության համընդհանուր ապահովագրության շահառուի ձեր կարգավիճակը». Անահիտ Ավանեսյան

«ՀՀ առողջապահական համակարգը վաղուց դադարել է կապ ունենալ առողջապահության հետ». Վարդուհի Սարգսյան

«Բժիշկները զննել են տղամարդկանց՝ նրանք ընդամենը ալկոհոլի ազդեցության տակ են եղել». Մարիամ Ծատրյան