Հայուհին նշանակվել է «Օսկար»-ի գլխավոր տնօրեն
![]() 18891 Հինգշաբթի, 11 հունվարի, 2024 թ., 11:24 Կինոարվեստի և գիտությունների ամերիկյան ակադեմիան Թենի Մելիդոնյանին նշանակել է «Օսկար»-ի գլխավոր տնօրեն, որը նորաստեղծ պաշտոն է։ Այս մասին հայտարարել է Ակադեմիայի գործադիր տնօրեն Բիլ Քրամերը, հաղորդում է Hollywood Reporter-ը: Նա նշել է, որ նոր պաշտոնում Թենի Մելիդոնյանը կղեկավարի ռազմավարությունը, տաղանդների հետ կապերը, հատուկ միջոցառումները և մրցանակաբաշխության բոլոր ծրագրերի և միջոցառումների արտադրական թիմերը: Մելիդոնյանը սերտորեն կաշխատի «Օսկար»-ի պրոդյուսերների և հաղորդավարների, Disney/ABC-ի և Ակադեմիայի ղեկավարության, ներառյալ՝ կառավարիչների խորհրդի և նրա հանձնաժողովների հետ, ինչպես նաև կհամակարգի այն թիմերի աշխատանքը, որոնք ներգրավված են «Օսկար»-ի մրցանակաբաշխության արարողության մշակման և անցկացման, ինչպես նաև այն համաշխարհային լայն լսարանին ներկայացնելու գործում: Ակադեմիայի տնօրենը՝ բարձր գնահատելով Մելիդոնյանի փորձը, ստեղծագործական անհատականությունն ու հեռանկարային լինելը, կարևորել է այս պաշտոնը, հատկապես՝ «Օսկար»-ի 100-րդ մրցանակաբաշխությանն ընդառաջ։ Քրամերի ղեկավարությամբ՝ 2022 թվականին Մելիդոնյանը գլխավորել է «Օսկար»-ի նորաստեղծ ռազմավարական ստորաբաժանումը, որն ամբողջ տարվա ընթացքում աշխատում էր մրցանակների հետ կապված բոլոր ծրագրերի վրա: Մելիդոնյանը վերջերս «Օսկար»-ի ռազմավարության փոխնախագահն էր: Նա իր ակադեմիական կարիերան սկսել է 2005 թվականին՝ որպես հաղորդակցության և հրապարակայնության բաժնի ղեկավար, վերահսկելով ապրանքանիշի ռազմավարությունը և մարքեթինգը: Մինչ ամերիկյան կինոկադեմիա ընդունվելը, նա աշխատել է Վաշինգթոնում, այդ թվում՝ ՀՀ դեսպանությունում։ |
«Երևանի օրը մի քանի միլիոն հոնորարով հանդես եկավ Երևանը լքած մի երգիչ»․ Էդգար Ղազարյան
43413.10.2025, 11:24Թուրքիայում ձերբակալվել են մի խումբ հայտնիներ
56308.10.2025, 11:38Ռեփեր Փի Դիդդին դատապարտվեց 4 տարվա ազատազրկման
50504.10.2025, 12:02«Դիմում եմ Հայաստանում ապրող երաժիշտներին ու երգիչներին»․ Զարուհի Մուրադյան
63123.09.2025, 17:24«Էրեխեք, սովորեք ճշմարտությունն ասել». Ալլա Պուգաչովա (տեսանյութ)
208710.09.2025, 21:20Սիրուշոն նոր տեսահոլովակ է ներկայացրել (տեսանյութ)
92505.09.2025, 23:48Coca-Cola Music Fest Armenia-ն հաղորդագրություն է տարածել
77624.08.2025, 11:00«Ով ՀՀ-ում բեմ է տրամադրում սրբապիղծներին, դառնում է նույն հանցագործության մասնակիցը»․ ԴՕԿ
80524.08.2025, 10:24