ԿԳՄՍՆ-ի պարզաբանումը` «Հայոց պատմություն» առարկան «Հայաստանի պատմությամբ» վերափոխելու մասին
![]() 1562 Երկուշաբթի, 22 հունվարի, 2024 թ., 23:48 ԿԳՄՍ նախարարությունը պարզաբանել է, թե ինչու է ուզում «Հայոց պատմություն» առարկան վերանվանել «Հայաստանի պատմություն»։ Ըստ նախագծին կից ներկայացված հիմնավորման՝ Հանրակրթության պետական չափորոշչի 33-րդ կետի 6-րդ ենթակետով սահմանված է, որ «Հայրենագիտություն» և «Հասարակություն, հասարակական գիտություններ» բնագավառների շրջանակում հանրակրթական ընդհանուր պետական ծրագրի 5-6-րդ դասարաններում ներկայացվում են Հայաստանի և հայ ժողովրդի պատմությունը, մշակույթը և կրոնը, աշխարհագրությունը, հասարակական կյանքի ոլորտները: Հանրակրթության պետական չափորոշչի 35-րդ կետում՝ որպես պարտադիր առարկա, ներկայացված է «Հայոց պատմություն» առարկան, որի անվանումն առաջարկվում է փոխել «Հայաստանի պատմություն», որն ավելի բնութագրական է առարկայի շրջանակում ուսումնասիրվող նյութի համար, քանի որ հայկական պետականության և հայ ժողովրդի պատմության տարբեր ժամանակաշրջաններում տեղի ունեցած իրադարձություններն է ընդգրկում: Առարկան, անվանելով տվյալ երկրի պատմություն, ցուցաբերվում է ինստիտուցիոնալ մոտեցում առարկայի միջոցով պետության և պետականության գաղափարների ամրապնդմանը: Ուսուցանվող առարկան ներկայացվում է իբրև հավաքական և կազմակերպված հանրություն հանդես գալու պատմություն։ Այս պարագայում պետության չգոյության ժամանակահատվածների ներկայացումը էապես տարբերվում է մեթոդաբանական մոտեցման տեսանկյունից՝ ի ցույց դնելով պետության գոյության կարևորությունը և սովորողների մոտ ձևավորելով սեփական երկրի շահերի իմացության և դրանց պաշտպանության անհրաժեշտ դիրքորոշումն ու արժեքները։ Մինչդեռ հայոց պատմություն անվանումը, որն առավելապես կարևոր պատմական դերակատարում ունեցած մարդկանց գործունեության մասին պատմություն է, որոշակի իմաստով խթանում է այն գաղափարը, որ պատմությունը նաև առանց պետության և պետականության կարող է ձևավորվել՝ այսպիսով չնպաստելով հանրակրթության պետական չափորոշչով սահմանված առանցքային կարողունակությունների, մասնավորապես պետականամետ քաղաքացու վարքականոնի ձևավորմանը: Հարկ է նշել, որ մի շարք երկրներում տվյալ երկրի պատմության ուսուցմանը նվիրված առարկան կոչվում է այդ երկրի պատմություն, և փոփոխությունն իրականացվել է մի քանի երկրների փորձն ուսումնասիրելու արդյունքում: Մասնավորապես՝ Հնդկաստանի, Բրիտանիայի, Իտալիայի, Չինաստանի, Վրաստանի, Ղազախստանի, Սաուդյան Արաբիայի պատմությունը ուսումնասիրվում է տվյալ երկրի անվամբ առարկայի շրջանակում: Ոլորտի մասնագետներն ու շահագրգիռ կազմակերպությունները նախագծի վերաբերյալ իրենց կարծիքներն ու առաջարկները կարող են ՀՀ ԿԳՄՍ նախարարություն ներկայացնել մինչև 2024 թվականի փետրվարի 2-ը: |
«Կիրանցում Նիկոլ Փաշինյանին երկու ձեռքով բարևողին նոր պաշտոն են տվել». Ոսկան Սարգսյան
69302.07.2025, 13:48«Հայոց պատմություն» և «Ֆիզիկա» առարկաների քննությունների թեստերն ու պատասխանները
63427.06.2025, 16:12Այսօր դիմորդները քննություն են հանձնում «Հայոց պատմություն» և «Ֆիզիկա» առարկաներից
53027.06.2025, 08:54«Կենսաբանություն» և «Աշխարհագրություն» առարկաների քննությունների թեստերն ու պատասխանները
65024.06.2025, 15:24Դիմորդները քննություն են հանձնում «Կենսաբանություն» և «Աշխարհագրություն» առարկաներից
54924.06.2025, 09:18«Ավելորդ իրեր մի տարեք քննասենյակ, հայտնաբերվելու դեպքում ձեր քննությունը դադարեցվելու է»․ ԳԹԿ
77923.06.2025, 16:30«Հայոց լեզու և հայ գրականություն» առարկայի քննության թեստերն ու պատասխանները
80120.06.2025, 15:12«Մաթեմատիկա» առարկայի քննության թեստերն ու պատասխանները
75917.06.2025, 16:06