«Պատմության դասավանդումը Հայաստանի կրթական համակարգում ունի քարոզչական նպատակներ». Արթուր Սաքունց

Իրավապաշտպան Արթուր Սաքունցը ֆեյսբուքյան իր էջում գրում է. «Մի հարց, որը կարծես թե պետք է լինի հիմնականը
«Հայոց պատմություն», թե «Հայաստանի պատմություն» որակումների կամ անվանումների հետ կապված։
Որոշիչը ոչ թե անվանումն է, այլ բովանդակությունը։
Ինչ ենք սովորեցնելու, ինչ են ուսումնասիրելու կրթական հաստատություններում՝ հայ ժողովրդի պատմություն, թե՞ Հայաստանի պատմություն։
Իսրայելում սովորեցնում են հրեաների պատմությունը՝ «Հնագույն ժամանակներից մինչև Իսրայել պետությունը» անվանմամբ։
Ի վերջո բովանդակությունն է որոշիչ՝ անվանումը սահմանելու համար։
Իսկ ներկա բանավեճը ապացուցում է, որ, ցավոք սրտի, պատմության դասավանդումը Հայաստանի կրթական համակարգում ունի քարոզչական նպատակներ, քան գիտելիքի մատուցման նպատակ, իսկ քննադատական մտածողության ձևավորման մասին խոսելը դառնում է անգամ ավելորդ՝ քարոզչական նպատակների դեպքում»: