«Քննիչները մինչև առերեսումը տեղեկացված են եղել, թե Սերգո Կարապետյանն ինչ ցուցմունք է տալու». Սերժ Սարգսյանի պաշտպան

Ինչպես արդեն հայտնել ենք, այսօր ընթացել է Հայաստանի երրորդ նախագահ Սերժ Սարգսյանի և մյուսների գործով դատական նիստ:
Պաշտպանական ճառի ընթացքում պաշտպան Ռուբեն Հակոբյանը շեշտեց, որ գործն ապօրինի է սկսվել. «Սերժ Սարգսյանը որպես վկա կանչվել է հարցաքննության, ապա նրա և Գյուղատնտեսության նախկին նախարար Սերգո Կարապետյանի միջև առերեսում է տեղի ունեցել:

Առերեսման ավարտից ընդամենը 2 րոպե հետո, քննիչը, առանց աշխատասենյակից դուրս գալու, նրան է ներկայացրել որպես մեղադրյալ ներգրավելու որոշում: Սա նշանակում է, որ որոշումն արդեն իսկ կազմած, տպագրած և ստորոգրած է եղել, միայն ժամն է բացակայել՝ հասկանալի պատճառով»:

Ըստ այդմ, ըստ պաշտպանի, Սերժ Սարգսյանի՝ որպես վկայի հարցաքննությունը կրել են ձևական բնութ, քննիչները մինչև առերեսումը տեղեկացված են եղել, թե Սերգո Կարապետյանն առերեսման ժամանակ ինչ ցուցմունք է տալու»,- ասաց Ռուբեն Հակոբյանը: