Փաշինյանը պատասխանել է` արդյո՞ք վախ ունի, որ Հայաստանի ու Ադրբեջանի միջև կսկսվի 3-րդ պատերազմը

349

Կիրակի, 11 փետրվարի, 2024 թ., 22:54

Բրիտանական The Telegraph-ին տված հարցազրույցի ժամանակ հարցազրուցավարը Փաշինյանին հարցրեց՝ արդյոք վախ ունի, որ Հայաստանի ու Ադրբեջանի միջև կարող է սկսվել 3-րդ պատերազմը։

Վարչապետը նկատեց, որ վախը ճիշտ բառ չէ օգտագործելու համար, որովհետև Հայաստանի Հանրապետությունը ժողովրդավարական, զարգացող պետություն է և Հայաստանի Հանրապետությունն իրականացնում է լայնածավալ բարեփոխումներ իր երկրի դիմակայունությունը բարձրացնելու համար:

«Վերջին տարիներին կարծում եմ միջազգային հանրությունը տեսավ և մեր հանրությունն էլ տեսավ, որ մեր երկրի դիմակայունությունն էականորեն բարձրացել է: Մենք շարունակում ենք բարեփոխումների ճանապարհը Հայաստանի դիմակայունությունը մեծացնելու և բարձրացնելու վերաբերյալ: Ինչ վերաբերում է տարածքաշրջանային ապակայունացմանը և դրան ուղղված քայլերին, իհարկե, ցանկացած բանական մարդու մոտ դա առաջացնում է մտավախություններ»,- նշել է նա: