«Apple քարտեզում Օձունը ներկայացվում է` որպես Ուզունլա». Արմեն Հովասափյան

ՀՀԿ խորհրդի անդամ Արմեն Հովասափյանը ֆեյսբուքյան իր էջում գրել է. «Նոր ընկերներիցս մեկը մի լուսանկար ուղարկեց, որտեղ հստակ երևում է, թե ինչպես է Apple քարտեզում Օձունը ներկայացվում որպես Ուզունլա (իրականում թուրքական տարբերակը եղել է Ուզունլար), այսինքն թուրքական այն անվամբ, ինչպես գյուղը կոչվել է մինչև 1967 թվականը։ Սա իրականում ադրբեջականի ու Ադրբեջանի հետ ոչ մի աղերս չունեցող անվանման տարբերակ է, որն էլի օրվա իշխանության հակահայկական ու հակազգային կեցվածքի արդյունքում է տեղի ունենում։ Դարձյալ առերեսվում ենք նիկոլական տրամաբանությամբ ՀԽՍՀ քարտեզի շարունակական աղավաղման հերթական արարին, երբ թուրքական անվանումները նորից հրապարակ են բերվում ու դրսի պաշտոնական քարտեզներով մարդկանց արհեստական բարոյապես ճնշում։
Ասենք, նայում էս մանրուք է, բայց իրականում մանրուք չի, էս ամեն ինչը սկսվեց սենց տեղեկատվական պատերազմով, որը էլի կրվում ենք․ ոչ մի տեղով գործ չեք անում, ու ամեն ինչը բարձիթողի բրախած ա ինքնահոսի։ Այս սենց բառադի կերպ վարվեցիք ամեն ինչի արդյունքում Արցախն էլ վարի տվեցիք՝ հիմա անցել են հայկական բնակավայրերի անվանումների բռնաբարմանը»։