Վահան Քերոբյանին կալանավորելու միջնորդություն է ներկայացվել դատարան

Երևանի առաջին ատյանի ընդհանուր իրավասության դատարանն առաջիկա ժամերին քննելու է Էկոնոմիկայի նախկին նախարար Վահան Քերոբյանին կալանավորելու միջնորդությունը, լրագրողներին հայտնել է նրա պաշտպան Տիգրան Եգորյանը։
Իրավապահներն այսօր խուզարկություններ էին իրականացրել Վահան Քերոբյանի արդեն նախկին աշխատասենյակում։ Գործին առնչվող նյութեր հայտնաբերվել են, թե ոչ՝ պաշտպանական կողմին հայտնի չէ։

«Եթե լրացուցիչ հիմնավորում և այն ապացուցող ապացույց հայտնաբերվեր, վստահաբար, կունենայինք, որովհետև այն ամենը, ինչն ունենք պաշտոնական կողմի ներկայացրած նյութերից, չի հաղթահարում այն շեմը, որ անձի նկատմամբ հանրային քրեական հետապնդում հարուցվի»,- ասել է Եգորյանը՝ հայտնելով, որ Քերոբյանը ժամանակի սղությամբ պայմանավորված հնարավորություն չի ունեցել իր հետ միասին բավարար ծանոթանալ գործի նյութերին, ուստի ցուցմունք չի տվել։