«Եթե ձեռք բերված պայմանավորվածությունները պահվեն, կնպաստեն լարվածության նվազեցմանը». Նիկոլ Փաշինյան

«Եթե այն պայմանավորվածությունները, որ ձեռք են բերվել, պահվեն, ապա դրանք կնպաստեն սահմանային լարվածության նվազեցմանը։ Կրկնում եմ՝ եթե այդ պայմանավորվածությունները պահվեն։ Մենք մեր կողմից հաստատակամ ենք այդ պայմանավորվածությունները պահելու հարցում»,- Մյունխենի և հարակից շրջանների հայ համայնքի ներկայացուցիչների հետ հանդիպման ժամանակ ասաց Նիկոլ Փաշինյանը՝ ներկայացնելով Ալիևի հետ տեղի ունեցած հանդիպման մանրամասները։

«Խաղաղության պայմանագրի մի շարք հոդվածներ համաձայնեցված են, բայց մի շարք հոդվածներ էլ, որոնք ունեն սկզբունքային նշանակություն, դեռևս համաձայնեցված չեն և պայմանավորվել ենք այս աշխատանքներն իրականացնել»,- հայտարարեց Փաշինյանը։

Փաշինյանը նաև անդրադարձավ Մյունխենի անվտանգության համաժողվի շրջանակում տեղի ունեցած հանդիպումների, քննարկումների արդյունքներին։