«Ամաչում եմ, որ չկարողացանք կանխել Սպարապետի շիրմի անարգանքը». Աննա Մկրտչյան

«Էնքան եմ ամաչում, որ Վազգեն Սարգսյանի ծննդյան օրը մենք ոչինչ չունենք ասելու, բացի ներողությունից։ Վազգեն Սարգսյանը և էստեղ հանգչող հերոսներն իրենց կյանքը չեն խնայել հայկական երկու պետությունների համար։ Ես ամաչում եմ, որ մենք էսօր չենք կարողացել էնպես անել, որ դավաճան Նիկոլը և իրեն շրջապատող ամբողջությունը չայցելեն Սպարապետի շիրմին, չենք կարողացել այնպես անել, որ չանարգեն Վազգեն Սարգսյանի շիրիմը»,- այսօր «Եռաբլուր» պանթեոնում լրագրողների հետ ճեպազրույցի ժամանակ ասել է ԱԺ «Պատիվ ունեմ» խմբակցության պատգամավոր Աննա Մկրտչյանը։ Անդրադառնալով հայ-ադրբեջանական սահմանը հատած ադրբեջացուն վերադարձնելու հարցին՝ նշել է․ «ՀՀ քննչական կոմիտեն էս 6 տարիների ընթացքում ՀՀ ոչ մի քաղաքացու նկատմամբ քրեական հետապնդումը դադարեցնելու կամ քրեական գործը կարճելու մասին հաղորդագրություն չի տարածել։ Ավելին, ՊՆ-ն ասում էր, որ իրենք իրավապահ մարմիններին կհանձնեն նրանց, ովքեր կրակել են ադրբեջանցիների վրա։ Իսկ երեկ ի՞նչ արեց քննչական կոմիտեն, արագ-արագ, ադրբեջանցու պատվի և հեղինակության վրա բիծ չգցելու համար հայտնեց, որ քրեական հետապնդումը դադարեցնելու միջնորդություն է գրել։ Որ ասում ենք սրանք թուրքի կողմից «սմոտրյաշի» են նշանակված էս երկրում, ասում եք էդպես չի»։