«Մակրոնը կայցելի Ուկրաինա». Զելենսկի

Մոտ ժամանակներս Ուկրաինա կժամանի Ֆրանսիայի նախագահ Էմանուել Մակրոնը: Այս մասին թելեգրամյան ալիքում հայտնել է Ուկրաինայի նախագահ Վլադիմիր Զելենսկին: Նա նշել է, որ Մակրոնի հետ «երկար և առարկայական» հեռախոսազրույց է ունեցել:

Կողմերը քննարկել են մարտի դաշտում տիրող իրավիճակը, ինչպես նաև հաջակցություն Ուկրաինայի՝ միջազգային համաժողովի արդյունքները, որը վերջերս է տեղի ունեցել Փարիզում: «Շնորհակալություն եմ հայտնել փետրվարի 16-ի պաշտպանական ուժեղ փաթեթի, ինչպես նաև հեռահար զենքի կոալիցիայի ստեղծման գործում Ֆրանսիայի նախագահի անձնական առաջնորդության, նոր նախաձեռնությունների և Ուկրաինային սատարող բոլոր հայտարարությունների համար։ Բացի այդ, մենք մտքեր ենք փոխանակել Ուկրաինայում մեր առաջիկա հանդիպման շուրջ»,- հավելել է Զելենսկին: