«Դպրոցի կոլեկտիվ և ծնողներ, արթնացե՛ք». Սոֆյա Հովսեփյան

ԱԺ նախկին պատգամավոր Սոֆյա Հովսեփյանի ֆեյսբուքյան գրառումը․ «Օրեր առաջ e-draft-ում հայտնաբերում եմ Երևանի Արշավիր Շավարշյանի անվան թիվ 40 դպրոցի փակման նախագիծը։ Անկեղծ ասած՝ ծայրահեղ ծանր էր կարդալը, քանի որ էս դպրոցի փակման մասով քիչ թե շատ պայքարել էի ու հաճախ՝ մենակ։ Այս դպրոցում վերանորոգել և բացել էինք Կոմանդոսի անվան դասարան, որի կարմիր թելը Արկադի Տեր-Թադևոսյանի հետ կտրելու պատիվ ունեցա։ Կապվեցի դպրոցի աշխատակիցների հետ և պարզվեց՝ իրենք էլ են պատահմամբ իմացել, և ծնողները զանգեր են կատարել քաղաքապետարան, խոսեցի որոշ ծնողների հետ, վստահաբար ասացին, որ պայքարելու են։ Դպրոցից ասացին, որ իրենք ժողով են անելու և ըստ կարգի են գնալու։ Հետո իմացա, որ դպրոցի տնօրենի ԺՊ-ին հրավիրել են ՔԱՂԱՔԱՊԵՏԱՐԱՆ՝ հանրակրթության վարչություն։ Էս հանդիպումը լռեցրեց բոլորին ու ես վստահ եմ՝ վախեցրել են անփորձ ԺՊ-ին, բայց եթե իրենք ցռան վերգոյություն են անում, ապա ես լռել չեմ կարող ու հանրակրթության վարչության աշխատակիցներից պահանջում եմ բացատրություն, թե դուք ո՞վ դարձաք, որ կարող եք դպրոց փակելու գործին լծվել ու մի հատ էլ թաքուն - թաքուն նախագծեր առաջ տանեք։ Դպրոցը գտնվում է Վարդանանց փողոցի վրա։ Ժամանակին Գագիկ Ջահանգիրյան, Գագիկ Բեգլարյան՝ Չոռնի Գագո, Սուքիասյան Խաչատուր՝ նույն ինքը Գռզո, և այլոք հավակնություն ունեին էս դպրոցը յուրացնելու ու տարբեր բաներ անելու ու հիմա՝ հոպլյա, էն երկուսը էլ խաղի մեջ չեն, թե ով է խաղի մեջ, դա էլ պարզեք ինքներդ։ Ի դեպ, դպրոցը ընդգրկված էր հիմնանորոգման ծրագրում, բայց ի՞նչ հոգս, ծախեն, բարձրահարկ տեղը կկառուցեն։ Դպրոցում է գտնվում նաև մեր ընկեր Համլետ Հովհաննիսյանի դասարանը։ Այս պահին էսքանը։

Դպրոցի կոլեկտիվ ու ծնողներ, արթնացե՛ք, եթե ձեզ կարող են էս շները ստից, մանր-մունր հարցերով վախեցնել, ապա ինձ չեն կարող, չխոսեք՝ ես կխոսեմ ու շաաատ երկար։

Լրագրողներին էլ խորհուրդ կտամ պարզել, թե էդ հանրակրթության վարչության աշխատակիցները քանի գլուխ ունեն գլխներին։

Ժաննա Անդրեասյան, Արայիկ Հարությունյանը՝ շեֆդ, խոստանում էր, որ էդ դպրոցը և առհասարակ դպրոցներ ՀՀ ում չեն փակվի։

Մի հատ իրար հետ կողմնորոշվեք»: