«Կաթողիկոսի աջակցության մշակույթը պետք է տարբերվի քաղաքական աջակցության մշակույթից»․ Հակոբ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Ըստ իս, պետք չէ վանկարկել «Վեհափառ, Վեհափառ»։ Ամենայն Հայոց Կաթողիկոսի եւ Մայր Աթոռի հանրային աջակցության մշակույթը, թերեւս, պետք է տարբերվի քաղաքական աջակցության մշակույթից, չպետք է լինի որեւէ քաղաքական գործչի կամ առաջնորդի աջակցության դրսեւորումներին նույնական։
Սա երկրորդական դետալ չէ, որովհետեւ խնդիրը եւ մարտահրավերը շատ ավելի խորն ու ընդգրկուն է։ Ըստ այդմ, հանրային աջակցության մշակույթն էլ, թերեւս, պետք է համապատասխանի այդ խորությանն ու ընդգրկունությանը։
Կարծում եմ, որ արժե մտորել այդ մասին, հանրային աջակցության մշակութային արտահայտման ձեւի մասին, որը բնականաբար պետք է բխի մարտահրավերի գնահատումից ու դրան արձագանքելու բովանդակության մշակումից»։