Պապիկյանը հրաժարվեց պատասխանել Տավուշից չորս գյուղեր հանձնելու վերաբերյալ հարցին

Այսօր ՀՀ Պաշտպանության նախարար Սուրեն Պապիկյանն ԱԺ-ում փակ հանդիպում է ունեցել պաշտպանության և անվտանգության հարցերի հանձնաժողովի անդամների հետ: Հանդիպման ավարտին նախարարը հրաժարվել է պատասխանել լրագրողների բազմաթիվ հարցերին՝ ասելով, որ երեկ Նիկոլ Փաշինյանը ասուլիսի ժամանակ բոլոր հարցերին պատասխանել է։ Լրագրողները նկատել են, որ հանդիպմանը ներկա են եղել նաև նախարարի երեք տեղակյալները։ Հարցին, թե ի՞նչ է զեկուցվել, չի պատասխանել նաև փոխնախարար Արման Սարգսյանը, ով ևս հղում է կատարել Փաշինյանի երեկվա ասուլիսին։