Գեղամ Ստեփանյանը՝ Արցախ վերադարձի հնարավորության մասին

Արցախի ժողովրդի կարիքների ապահովման համար Ազատության հրապարակում հանրահավաք է մեկնարկել։ Լրագրողի դիտարկմանը, ըստ որի՝ հանրահավաքի մասնակից արցախցիների մեծ մասը հույս ունի, որ վերադառնալու է հայրենիք, Արցախի մարդու իրավունքների պաշտպան Գեղամ Ստեփանյանը պատասխանել է․ «Բոլորն էլ շատ լավ գիտակցում են, թե վերադարձի համար ինչ պայմաններ են պետք։ Արցախի նկատմամբ ադրբեջանական վերահսկողությունը ոչ մի հնարավորություն չի թողնում այնտեղ հայ մարդու արժանապատիվ բնակության համար և նաև դրա մասին է վկայում այն, որ ընդամենը մի քանի օրվա ընթացքում ամբողջ բնակչությունը լքել է Արցախը։ Բայց մարդիկ վճռականություն ունեն՝ թույլ չտալու, որ Արցախի թեման փակվի»,- ասել է նա: