Ուրբաթ, 11 հուլիսի, 2025 թ.
|
Ստեփանակերտում`   +29 °C

ՀՀ-ում 7 բուհ չունի ռեկտոր․ իշխանությունը «ենթարկվող» մարդկանց է փնտրում

ՀՀ-ում 7 բուհ չունի ռեկտոր․ իշխանությունը «ենթարկվող» մարդկանց է փնտրում
1782
Հինգշաբթի, 21 մարտի, 2024 թ., 23:18

ՀՀ պետական և մասնավոր բարձրագույն ուսումնական հաստատությունները իշխանությունների կողմից նշանառության տակ են։ Այս պահին Հայաստանում կա 23 պետական և 21 մասնավոր բուհ, որոնց գոյությունը հարցականի տակ է դրված մինչև 2030 թվականը, գրում է «ԱրմԼուր»-ը։

Բուհերի գոյությունը հարցականի տակ է, քանի որ նաև երկրի վարչապետն իր խոսքում հարցականի տակ է դնում բուհերի կրթական որակը՝ ասելով՝ եթե մենք բուհերը հավատարմագրենք միջազգային ստանդարտներով, ոչ մի բուհ հավատարմագրում չի ստանա։
Այն բուհերը, որոնց հետ կապված ԿԳՄՍ նախարար Ժաննա Անդրեասյանն ապագա պլաններ է գծում, ավելի բարձիթողի երբեք չեն եղել։

Պատճառն այն է, որ Հայաստնում 7 ուսումնական հաստատություն չունի ռեկտոր և դրանք ղեկավարում են ժամանակավոր պաշտոնակատարները։ Այդ ուսումնական հաստատություններն են՝ Վալերի Բրյուսովի անվան պետական համալսարանը, Երևանի պետական տնտեսագիտական համալսարանը, Ճարտարապետության և շինարարության Հայաստանի ազգային համալսարանը, Հայաստանի գեղարվեստի պետական ակադեմիան, Հայաստանի Ֆիզիկական կուլտուրայի և սպորտի պետական ինստիտուտը, Հայաստանի ազգային ագրարային համալսարանը և Երևանի Կոմիտասի անվան պետական կոնսերվատորիան։

Բուհերում քաոս է, նախարարությունը չի կարողանում համապատասխան որակավորմամբ մասնագետներ գտնել և նշանակել ռեկտորներ։ Ինչպես բազմիցս գրել ենք, որ ոչ ոք ցանկություն չունի աշխատել ներկայիս իշխանության օրոք, սա գործում է նաև կրթական ոլորտում։

Առավել մանրամասն՝ սկզբնաղբյուրում: