Իրանում հայտարարել են, որ իրավունք են վերապահում՝ պատասխանելու Իսրայելի հարվածին

Իրանն իրեն իրավունք է վերապահում՝ վճռական պատասխան տալու Դամասկոսում երկրի հյուպատոսությանը Իսրայելի հարվածից հետո: Այս մասին հայտարարել է ՄԱԿ-ում Իրանի մշտական ներկայացուցչությունը, փոխանցում է ТАСС-ը։

Հայտարարության մեջ նշվում է, որ Իսրայելը կրում է հարձակման հետևանքների ողջ պատասխանատվությունը: Մշտական ներկայացուցչությունում կոչ են արել ՄԱԿ-ի Անվտանգության խորհրդին խստագույնս դատապարտել իսրայելական կողմի գործողությունները, ինչպես նաև օպերատիվ կերպով պատասխանատվության ենթարկել այդ հանցագործությունը կատարողներին:

Ապրիլի 1-ին հայտնի է դարձել, որ Իսրայելի ռազմաօդային ուժերը հարված են հասցրել Սիրիայի մայրաքաղաքում Իրանի հյուպատոսությանը։ Հաղորդվել է 6 զոհի մասին։