«2010թ. ստորագրվել է փաստաթուղթ, որով հստակեցվել են ՀԱՊԿ անդամ պետությունների «ինքնիշխան տարածքները»». Կարեն Հեքիմյան

Հասարակական գործիչ Կարեն Հեքիմյանի գրառումը․ «Ե՞րբ է ձևավորվել ապագա Հայաստանի քարտեզը կամ ո՞րն է ՀԱՊԿ-ի «պատասխանատվության» գոտին:
Ի պատասխան շատ որոշակի հնչեցված հարցի, այն է՝ ո՞րն է ՀԱՊԿ-ի պատասխանատվության գոտին, ՀԱՊԿ-ից «պարզաբանեցին», որ «2010թ. ստորագրված փոխգործակցության սկզբունքների մասին համաձայնագրում նշված է, որ պատասխանատվության տարածքը անդամ երկրների ինքնիշխան տարածքն է»:
Ստացվում է, որ դեռևս 2010թ. ՀԱՊԿ-ի շրջանակներում ստորագրվել է փաստաթուղթ, որով փաստացի հստակեցվել են ՀԱՊԿ անդամ պետությունների «ինքնիշխան տարածքները»:
Դա նշանակում է, որ 2020թ. արցախյան պատերազմին և 2020-2023թթ հայ-ադրբեջանական ընդհարումներին ՀԱՊԿ -ի «չխառնվելու» իրավական հիմքը դրվել է 2010թ ստորագրված փաստաթղթում:
Բացի դրանից՝ եթե ՀԱՊԿ-ի այսօրվա «պարզաբանումը» խաբեություն կամ ձեռնածություն (մանիպուլյացիա) չէ (ինչը բացառված չէ), ապա ՀԱՊԿ-ում 2010թ. ստորագրված «ինքնիշխան տարածքների» վերաբերյալ փաստաթղթի հիմքում պետք է դրված լինեին ՀԱՊԿ անդամ պետությունների «ինքնիշխան տարածքների» քարտեզները: Եթե փաստաթղթի հիմքում քարտեզներ չկան, ապա ՀԱՊԿ-ի «համաձայնագրերն» ու «պարզաբանումները» ֆիկցիա են և, ըստ այդմ, ՀԱՊԿ-ն խաբեբա, ձեռնածու (մանիպուլյատոր) և բեզատչոտնիկ կառույց է: Իսկ, եթե փաստաթղթի հիմքում կան քարտեզներ, ապա դա նշանակում է, որ ապագա Հայաստանի քարտեզը ձևավորվել է 2010թ: Այսինքն՝ Հայաստանի վաղվա (այսօրվա և երեկվա) «գլխի գալիքը» ծրագրված էր 2010թ.»: