Երեքշաբթի, 16 ապրիլի, 2024 թ.
|
Ստեփանակերտում`   +9 °C

«Հիվանդները ստիպված Բերդից տասնյակ կիլոմետրեր կտրելով՝ Իջևան ու Նոյեմբերյան են հասնում». Ոսկան Սարգսյան

«Հիվանդները ստիպված Բերդից տասնյակ կիլոմետրեր կտրելով՝ Իջևան ու Նոյեմբերյան են հասնում». Ոսկան Սարգսյան
623
Չորեքշաբթի, 03 ապրիլի, 2024 թ., 16:30

Լրագրող Ոսկան Սարգսյանի ֆեյսբուքյան գրառումը․ «Հիվանդները ստիպված Բերդից տասնյակ կիլոմետրեր կտրելով՝ Իջևան և Նոյեմբերյան են հասնում։
Բերդ համայնքի բնակիչներից դժգոհություններ եմ լսել, որ Բերդ քաղաքի բժշկական կենտրոնում հեմոդիալիզի սարքավորում չկա, և հեմոդիալիզի կարիք ունեցողները Բերդ համայնքից մեծ հեռավորություն անցնելով՝ հեմոդիալիզ են ստանում Իջևանի և Նոյեմբերյանի բժշկական կենտրոններում։ Հիմնահարցի կապակցությամբ դիմեցի Տավուշի մարզպետարան, որտեղից պարզաբանեցին, որ Բերդ համայնքում հեմոդիալիզի կարիք ունեն 10 բուժառուներ, նրանցից 9-ը հեմոդիալիզ են ստանում Իջևանի ԲԿ-ում, իսկ 1-ը՝ Նոյեմբերյանի ԲԿ-ում: Մարզպետարանից հավելեցին, որ ՀՀ առողջապահության նախարարի տեղակալի առաջիկա օրերին Տավուշի մարզ կատարելիք այցի ժամանակ կքննարկվի Բերդի ԲԿ-ում հեմոդիալիզի բաժանմունք բացելու հնարավորությունը»:

Աղբյուրը`   Ոսկան Սարգսյան