«Առգրավումները շարունակական բնույթ են կրելու»․ քաղաքապետարանի աշխատակից

Այսօր Երևանի քաղաքապետարանը և ոստիկանությունը երևանայան մի շարք փողոցներում ստուգումներ են իրականացրել՝ արգելելու փողոցային առևտուրը, առգրավվել է դրսում վաճառվող ապրանքը։ Քաղաքապետարանի ներկայացուցիչը փողոցային առևտրով զբաղվող անձանց առաջարկում է աշխատել Երևանի «Կանաչապատում և շրջակա միջավայրի պահպանություն» ՀՈԱԿ-ում կամ «աղբահանություն և սանիտարական մաքրում» հիմնարկում՝ չընդունելով այն պատճառաբանությունը, թե այլ աշխատանք չկա։ «Քաղաքապետարանը բազմաթիվ անգամ զգուշացրել է,որ Երևանում արգելվում է փողոցային առևտուրը։ Միջոցառումները և առգրավումները շարունակական բնույթ են կրելու, ինչը անպայման արդյունք է տալու»,-ասում է քաղաքապետարանի աշխատակիցը։