Երևանի դպրոցներից մեկում 14 տարեկան տղան օդաճնշիչ ատրճանակով կրակել է երեխաների վրա

607

Շաբաթ, 20 ապրիլի, 2024 թ., 11:30

Ապրիլի 10-ին արտակարգ դեպք է տեղի ունեցել Երևանում։ ՀՀ ՆԳՆ տվյալներ են ստացվել, որ նույն օրը ժամը 13։00-ի սահմաններում Երևանի հիմնական դպրոցներից մեկում վիճաբանության ժամանակ Երևանի բնակիչ 14-ամյա Վ․Տ-ն իր մոտ եղած պնևմատիկ ատրճանակով կրակել է նույն դպրոցի 9-րդ դասարանի աշակերտներ 15-ամյա Վ․ Գ-ի ճակատային հատվածին և 15-ամյա Ա․ Ա-ի որովայնին՝ պատճառելով ֆիզիկական ցավ: Ինչպես հայտնում է ֆոտոլրագրող Գագիկ Շամշյանը, Վ.Տ-ն ծնողի հետ ներկայացել է բաժին և ներկայացրել «PM-X» գրառմամբ 4.5մմ տրամաչափի օդաճնշիչ ատրճանակը: Վ․Տ-ն սովորում է նույն դպրոցի 8-րդ դասարանում, իսկ Վ․ Գ-ն և Ա․ Ա-ն՝ 9-րդ դասարանում։