«Հրաժարական տվեք, ափսոս եք»․ պատգամավորը՝ ՆԳ նախարարին

«Ոստիկանության զինանշանի վրա գրված է «ծառայում ենք օրենքին և ժողովրդին», ձեր ղեկավարած համակարգն այսօր ոչ օրենքին է ծառայում, ոչ՝ ժողովրդին»,- Բյուջե-2023 կատարողականի քննարկման ժամանակ «Հայաստան» խմբակցության պատգամավոր Աղվան Վարդանյանը հեռակա կարգով դիմեց ՆԳ նախարար Վահե Ղազարյանին։ «Կամ փոխեք զինանշանը և գրեք «ծառայում ենք մի մարդու» կամ վերադարձեք ձեր կոչմանը։ Ձեզ դարձնում են հանցագործի հանցակից, պարոն Ղազարյան, հրաժարվեք հակապետական վարքագծից, ափսոս եք, հրաժարական տվեք»,-ասաց պատգամավորը։