«Հայ ժողովուդն ու սփյուռքը որոշել են Հայաստանը փոխարինել Արևմտյան Ադրբեջանով». Հայկ Մարտիրոսյան

Քաղաքագետ Հայկ Մարտիրոսյանի ֆեյսբուքյան գրառումը․

«Ուզում եմ իմ կողմից շատ հարգված իմ մի քանի ընկերներին հորդորել, որ խնայեն իրենց նյարդերը և ավելորդ կրքով ու հուսահատությամբ կոչեր չանեն, որ ժողովուրդը դուրս գա փողոց:
Ժողովուրդը իր որոշումն ընդունել է, ընտրությունը՝ կատարել:
Ժողովուրդը չի ուզում հայրենիք ունենալ և ապրել արժանապատիվ: Այլևս գոնե հիմա ժամանակն է դա հասկանալու, եթե խելքը տեղում է, իսկ բանականությունը՝ չինքնամթագնած:
Այս ժողովուրդը հայրենիք պահելն ու դրա համար պայքարելը համարում է բարդ աշխատանք:
Ժողովուրդը որոշում է կայացրել երկիրը նվաճողին հանձնելու և իրեն արժանի իր ընտրյալը իդեալականորեն կատարում է այդ որոշումը:
Բավարար քանակությամբ մարդ դուրս չի գալու փողոց՝ որքան էլ որ այլոք կամ ես գրենք ու կոչեր անենք, որ դուրս գան:
Իրենք իրենց կոչերն անում են էնտուզիազմով: Ես իմ կոչերը՝ իմանալով, որ անտեղի են:
Հայաստանն ավարտված է: Երբ երկու տարուց, երբ ցեղախումբը կապաստանի Սարատովում, Վոլգոգրադում, Գլենդեյլում կամ Բրյուգեում՝ կհիշեցնեմ այս գրառումը:
Եվ կասեմ ավելին՝ քան այսօր:
Բայց հիշեք: Հայաստան չի լինելու: Որովհետև հայ ժողովուրդն ու այն սփյուռքը, որի մասին ու հասցեին տիպիկ քծնական հիմարությունը զզվեցինք լսել այդ ապուշ սրբազան երգում՝ որոշել են, որ Հայաստանը պետք է փոխարինվի Արևմտյան Ադրբեջանով:
Ու եթե դու ունես այդպիսի ժողովուրդ, կոչ անես թե ոչ, ուզես թե չուզես՝ հայրենիքդ կորցնելու ես»։