«Աջակցում ենք Հարավային Կովկասում արդար և կայուն խաղաղության հաստատմանը»․ Բայդենի և Մակրոնի համատեղ հայտարարությունը

ԱՄՆ-ն ու Ֆրանսիան աջակցում են Հարավային Կովկասում արդար և կայուն խաղաղության հաստատմանը, այս մասին ասվում է երկու երկրների նախագահների համատեղ հայտարարության տեքստում։ «Միացյալ Նահանգները և Ֆրանսիան աջակցում են Հարավային Կովկասում արդար և կայուն խաղաղության հաստատմանը՝ հիմնված միջազգային իրավունքի, ինքնիշխանության, սահմանների անձեռնմխելիության և տարածքային ամբողջականության սկզբունքների վրա՝ ի շահ տարածաշրջանի բոլոր ժողովուրդների»,- ասված է Սպիտակ տան կայքում հրապարակված հայտարարության մեջ։