ԵՄ-ն համաձայնեցրել է ՌԴ-ի դեմ պատժամիջոցների 14-րդ փաթեթը

3879

Հինգշաբթի, 20 հունիսի, 2024 թ., 12:24

ԵՄ դեսպանները համաձայնեցրել են Ռուսաստանի դեմ պատժամիջոցների 14-րդ փաթեթը, հաղորդում է ТАСС-ը՝ հղում անելով ԵՄ-ում բելգիական նախագահությանը։

«ԵՄ մշտական ներկայացուցիչները քիչ առաջ համաձայնեցրել են պատժամիջոցների հզոր և էական 14-րդ փաթեթը»,- ասվում է նախագահության՝ X սոցցանցում հրապարակած հաղորդագրության մեջ։

Նշվում է, որ փաթեթը նախատեսում է ինչպես նոր միջոցներ, այնպես էլ ուժեղացնում է նախկինում սահմանված պատժամիջոցների գործողությունը։