«Հայաստանը Պաղեստինի անկախությունը ճանաչել է, Ռուսաստանի միջնորդությամբ, Թուրքիայի պահանջով». Կարեն Հեքիմյան

Հասարակական գործիչ Կարեն Հեքիմյանի գրառումը․ «Ի՞նչ եք կարծում, ո՞ւմ դրդմամբ, պահանջով կամ խնդրանքով Հայաստանը ճանաչեց Պաղեստինի անկախությունը՝ Ադրբեջանի՞, Թուրքիայի՞, Ռուսաստանի՞, ԱՄՆ-ի՞, ԵՄ-ի՞, Բագրատ Սրբազանի՞:
Խորը վերլուծություն անհրաժեշտ չէ հասկանալու համար, որ Հայաստանը Պաղեստինի անկախությունը ճանաչել է, Ռուսաստանի միջնորդությամբ, Թուրքիայի պահանջով:
Ու՞մ և ի՞նչ քաղաքական օգուտ տվեց Պաղեստինի ճանաչումը: Օրինակ՝ Հայաստանի կողմից Պաղեստինի ճանաչումից անմիջապես հետո, Իսրայելը պատրաստակամություն հայտնեց հավելյալ սպառազինություն մատակարարել Ադրբեջանին: Ենթադրելի է, որ Հայաստանի քայլից զուտ քաղաքական օգուտ քաղեցին Թուրքիան և Ռուսաստանը՝ Թուրքիան քաղաքական, Ռուսաստանը՝ թուրքական: Այսքանը: Ապրիորի Հայաստանը Պաղեստինի ավանտյուրայից որևէ լուրջ օգուտ քաղել չէր կարող: Առավելագույնը՝ Թուրքիայի ժամանակավոր փաղաքշանքը:
Սովորաբար՝ պարտքերը պետք է վերադարձվեն: Այդ իմաստով, հեռու չէ այն օրը, երբ Հայաստանն արդեն Թուրքիայի միջնորդությամբ, Ռուսաստանի պահանջով կճանաչի Լուգանդոնը: Այնուհետև, կրկին Ռուսաստանի միջնորդությամբ, Թուրքիայի պահանջով՝ Հյուսիսային Կիպրոսը: Եվ, այսպես շարունակ:
Մի կողմից՝ այսպիսին է քաղաքականությունը: Մյուս կողմից՝ նույն Պաղեստինում, Լուգանդոնում և Հյուսիսային Կիպրոսում գիտեին, չէ՞, Արցախի մասին»: