«Ադրբեջանը կշարունակի ճնշումները, բայց՝ մարսելի դոզաներով»․ Արթուր Խաչատրյան

«Ցայժմ Ադրբեջանն ինչ պահանջել է, այս իշխանությունները տվել են։ Մի քիչ նազ են անում Սահմանադրության փոփոխության հետ կապված՝ հասկանալով, որ ներսում որոշակի դժգոհություններ կառաջանան։ Դա ուղիղ անելու փոխարեն խոսում են երկու հանրաքվեների մասին՝ սահմանազատման արդյունքում ձևավորված սահմանների և Եվրոինտեգրման հանրաքվեների մասին»,- 5-րդ ալիքի եթերում ասել է ԱԺ «Հայաստան» խմբակցության պատգամավոր Արթուր Խաչատրյանը։ «Ալիևը հասկանում է, որ եթե շատ սեղմի, այստեղ ժողովրդի համբերության բաժակը կարող է լցվել ու Փաշինյանին կուղարկեն Բաքու։ Ալիևը նաև հասկանում է, որ ցանկացած հաջորդ իշխանություն ավելի ազգային է լինելու, և քանի դեռ Փաշինյանն է, փորձում է մաքսիմումը քաղել, բայց նուրբ է խաղում, որ շեմը չանցնի։ Ադրբեջանը կշարունակի ճնշումները, բայց մարսելի դոզաներով՝ չթաքցնելով իր նկրտումները»,- հավելել է պատգամավորը։