«Աննա Գրիգորյանն այսքանից հետո ի՞նչ երեսով է գնացել ԱՄՆ սենատորների հետ հանդիպման»․ Ստյոպա Սաֆարյան

Քաղաքագետ Ստյոպա Սաֆարյանի ֆեյսբուքյան գրառումը․ «Անցած տարի քոչարյանական խմբակցության պատգամավոր Աննա Գրիգորյանը Գեղամ Մանուկյանի հետ Իրան էր գնացել, որտեղ պաշտոնական Թեհրանին գուժել էր, որ Հայաստանի իշխանությունները Ռուսաստանին Կովկասից դուրս են հանում, որպեսզի Ամերիկային բերեն, ասել է թե՝ եթե դեմը չառնեն, Հայաստանը դառնալու է հակաիրանական երկիր ու հարթակ։ Ի դեպ, նման «բանագնացներից» հետո պաշտոնական Թեհրանը մեզ ուղղված իր հայտարարություններում ավելացրեց մի արտահայտությունը, որը նախկինում անում էր միայն Ադրբեջանի հանդեպ։ Մեր մասով միշտ ասվում էր՝ որ «Իրանը չի հանդուրժի, թույլ չի տա քաղաքական քարտեզի փոփոխությունը»։ Հայաստանի ընդդիմության ջանքերով մեզ ուղղված հայտարարություններում նաև ավելացավ «Իրանը չի հանդուրժի աշխարհաքաղաքական փոփոխությունը», որը հենց քոչարյանադաշնակցական պատգամավորական բանագնացների հալալ քրտինքը կարելի է համարել։ Ահավասիկ, մեր ու Բաքվի միջև «հավասարակշռությունը, հավասարությունը և արդարությունը» վերականգնված է ու մեզ և Ադրբեջանին նույն բանը ասեցին։ Հիմա, Թեհրանում այսպիսի տեքստեր արտաբերած Աննա Գրիգորյանը այսքանից հետո ի՞նչ երեսով է գնացել ԱՄՆ սենատորների հետ հանդիպման, ու ի՞նչ է ասել նրանց։ Լուրջ, էլի։ Ի վերջո, անձնական կամ կանացի խնդիրներ չեն։ Երկրի հարցն է»։