«ՔՊ-ականները եկել են Կիրանց, նկարվել ու հետ են գնացել»․ կիրանցցի

«Գյուղում էինք, տանը՝ մեր բան ու գործով, հեռախոսս բացեցի ու տեսա Լուլուն, Արփի Դավոյանը, Անդրանիկ Քոչարյանը, մի խոսքով՝ ՔՊ-ական խունտան եկել է Կիրանց, նկարվել ու հետ են գնացել»,- «Մեդիահաբ»-ի հետ զույցում պատմել է Կիրանց գյուղի բնակիչներից մեկը։

Նրա խոսքով՝ եկել, նկարվել ու հետ են վերադարձել Երևան։

«Հետաքրքիրն էն էր, որ խմբային լուսանկարը վերնագրել էին «Կիրանց», բայց կիրանցեցի մարդ չկար նկարում։ Որ մեկին հարցրել եմ, ասում են՝ «տեղյակ չենք, որ եկել են»։ Հաստատ բոլորն ասելիք ունեն»,-ասաց նա։

Լրատվականի ունեցած տեղեկություններով ՔՊ կուսակցության պատգամավորները Կիրանցում գեներալի զինվորական կոչում են շնորհել Ալեքսանդր Ցականյանին։