Շաբաթ, 20 հուլիսի, 2024 թ.
|
Ստեփանակերտում`   +19 °C

«ՊՆ-ն այցերս առաջնագիծ մերժելու անհեթեթ «հիմք» է գտել»․ Տիգրան Աբրահամյան

«ՊՆ-ն այցերս առաջնագիծ մերժելու անհեթեթ «հիմք» է գտել»․ Տիգրան Աբրահամյան
126
Երեքշաբթի, 09 հուլիսի, 2024 թ., 16:24

Աժ «Պատիվ ունեմ» խմբակցության պատգամավոր Տիգրան Աբրահամյանի ֆեյսբուքյան գրառումը․ «Հունիսի 17-ին գրություն էի ուղարկել ՊՆ՝ ԶՈւ մի քանի ուղղություններով այցս կազմակերպելու նպատակով:
Ընդ որում՝ ընտրել էի ուղղություններ, որոնք, այսպես ասած, խնդրահարույց չէին՝ ո՛չ քաղաքական, ո՛չ մեկ այլ առումով:
ՊՆ-ն գրությանս արձագանքել է 26 օր հետո՝ հուլիսի 9-ին, երբ գրությամբ նախատեսված ժամկետներն անցել էին ու այդ հիմքով մերժել՝ «նշված ժամանակահատվածում տվյալ ուղղություններ Ձեր այցերի կազմակերպումը հնարավոր չէ» պատճառաբանությամբ:
Նշեմ, որ եղել են փուլեր, երբ ՊՆ-ն նույնիսկ նման իրավիճակներում ճկունություն դրսևորել է, սակայն հիմա այցերս առաջնագիծ մերժելու անհեթեթ «հիմք» է գտել:
Մի մերժում էլ մայիսին է եղել (ավելի վաղ գրված ու չմերժված գրությամբ), սակայն մտածել եմ տեխնիկական է՝ որոշակի հանգամանքների բերումով:
Կպնդի՞ ՊՆ-ն, որ թեման տեխնիկական է կամ թյուրըմբռնում՝ մի քանի օր դեռ ժամանակ ունի, իսկ թեմային այլ շերտերով ու երանգներով կանդրադառնամ ավելի ուշ՝ որոշ դետալային ճշտումներից հետո»:

Աղբյուրը`   Տիգրան Աբրահմյան