Կիրակի, 21 հուլիսի, 2024 թ.
|
Ստեփանակերտում`   +24 °C

«Հորդորում ենք Բլինքենին առաջնահերթություն դարձնել հայ բանտարկյալների անհապաղ ազատ արձակման հարցը»․ Free Armenian Prisoners

«Հորդորում ենք Բլինքենին առաջնահերթություն դարձնել հայ բանտարկյալների անհապաղ ազատ արձակման հարցը»․ Free Armenian Prisoners
158
Հինգշաբթի, 11 հուլիսի, 2024 թ., 17:36

Մինչ դիվանագետները հանդիպում են Վաշինգթոնում՝ ԱՄՆ միջնորդությամբ հայ-ադրբեջանական բանակցությունների համար, հայ բանտարկյալները հյուծվում են ադրբեջանական բանտերում, ինչն ակնհայտորեն հակասում է խաղաղության ցանկացած հռետորաբանության: Այս մասին ասվում է Free Armenian Prisoners-ի ֆեյսբուքյան էջում:
«Հորդորում ենք ԱՄՆ պետքարտուղար Էնթոնի Բլինքենին՝ հայ բանտարկյալների անհապաղ ազատ արձակման հարցն առաջնահերթություն դարձնել: Իրական խաղաղություն չի կարող լինել, քանի դեռ մարդիկ շարունակում են ապօրինի կալնավորված մնալ: Մենք կոչ ենք անում ԱՄՆ Պետքարտուղարությանն ու ԵԱՀԿ-ում ԱՄՆ առաքելությանը՝ դիմել կոնկրետ գործողությունների, այլ ոչ միայն խոսել: Տևական խաղաղությունը կարող է կառուցվել միմիայն արդարության և մարդու իրավունքների հարգանքի հիման վրա»,- ասվում է հաղորդագրության մեջ։