«Ադրբեջանում ծաղրում են հայերի էթնիկ զտումն ու բռնի տեղահանումը»․ Տ․ Հայրապետյան

Ադրբեջանագետ Տաթևիկ Հայրապետյանի թելեգրամյան գրառումը․ «Ռասիմ Մուսաբեկովը ադրբեջանական պատգամավոր է, Ալիևի կարևոր «խոսնակներից» մեկը: Այս հաղորդման մեջ նա հեգնանքով ասում է, որ եթե հայերը ցանկանում էին միավորում Արցախի հայերի հետ, ապա այդ միավորումն արդեն տեղի է ունեցել։
Այսինքն՝ Ադրբեջանում ծաղրում են հայերի հանդեպ իրագործված էթնիկ զտման ու բռնի տեղահանման քաղաքականությունը։ Հետո էլ հավելում է, որ Ադրբեջանը Հայաստանի հետ որևէ թուղթ չի ստորագրելու։

Սա այն է, ինչի մասին ես գրել ու խոսել եմ՝ հստակ հիմնավորելով, որ Ադրբեջանին պետք է գործընթաց, որի միջոցով կստանա իր ցանկացածը, դե իսկ Նիկոլ Փաշինյանն ու նրա թիմակիցներն էլ իրենց կոլաբորացիոն քաղաքականությամբ կետ առ կետ բավարարում են Ադրբեջանի բռնապետի երազանքների ցուցակը, անգամ՝ ՀՀ սահմանադրության հարցում»։