Երեկվա ուժեղացված ծառայության արդյունքները

Հայտնել էինք, որ երեկ՝ կեսգիշերին մոտ, Երևան քաղաքում շրջում էին դիմակավորված ուժայիններ, ոստիկանության տարբեր ստորաբաժանումներ՝ իրականացնելով ուժեղացված ծառայություն:

«24Նյուզ»-ը ՆԳՆ-ից հետաքրքրվել է, թե ի՞նչ արդյունքներ են գրանցել երեկվա ուժեղացված ծառայության արդյունքում: ՆԳՆ-ից հայտնեցին, որ իրականացված գործողությունների արդյունքում բացահայտվել է թմրամիջոցի առկայության 7 դեպք, 1 հետախուզվողի հայտնաբերում, 5 սառը զենք-զինամթերք, 2 գազային ատրճանակ, կեղծ վարորդական վկայականներ և այլն: Ընդհանուր առմամբ, գիշերն իրականացված ծառայության արդյունքում ՆԳՆ ոստիկանության Կենտրոնական բաժին է տարվել 26 անձ: