«Հերի՛ք եղավ, բո՛լ եղավ», «ՀՀ-ում քաղբանտարկյալ չկա»․ բանավեճ՝ Մինասյանի ու Սաքունցի միջև

Իրավապաշտպան Արթուր Սաքունցի խոսքով՝ ՀՀ-ում այսօր քաղաքական բանտարկյալներ չկան, կան քրեական հանցագործությունների մեջ մեղադրվողներ․ «Ամբողջ խնդիրն այն է, որ 20 և ավելի տարի քաղաքականությունն ու կրիմինալն այնքան են սերտաճել․․․ քաղաքականությամբ զբաղվել են կրիմինալները»,- ասաց նա։ Պատգամավոր Արծվիկ Մինասյանը հորդորեց դատավորի գործառույթ չվերապահել․ «Երբ միտինգին մասնակցության համար կալանքի են վերցնում մարդկանց, սրանից ավելի ակնառու քաղաքական հալածանք ու քաղաքական բանտարկյալ չկա»,- նշեց Մինասյանը։ Ըստ նրա՝ քաղհասարակությունն այսօր չի խոսում քաղաքական հալածանքների մասին։