Ռուսաստանցիները կհավատան այլմոլորակայինների գոյությանը, եթե այդ մասին ասի Պուտինը․ հարցում

Ռուսաստանցիների մեկ տասներորդ մասը պատրաստ է հավատալ այլմոլորակայինների գոյությանը, եթե այդ մասին ասի ՌԴ նախագահ Վլադիմիր Պուտինը։ Այս մասին վկայում են Rambler&Co-ի հարցման տվյալները։

«Յուրաքանչյուր տասներորդ ռուսաստանցին պատրաստ է ընդունել, որ ՉԹՕ կայցելի Երկիր, եթե այդ մասին հայտնի պետության ղեկավարը, 6%-ը կհավատա, եթե այդ մասին հայտնեն պաշտոնական լրատվամիջոցները, 3%-ը կհավատա իր ընկերներին»,- ասվում է հետազոտության մեջ։ Այլ մոլորակներում կյանքին հավատում է ռուսաստանցիների 33%-ը, իսկ 27%-ն ակտիվորեն հետաքրքրված է նման տվյալներով: Այլմոլորակայինների ներկայությունը թույլ է տալիս հարցվածների 79%-ը։ Հարցվածների ևս 10%-ը համոզված է, որ իշխանությունները թաքցնում են անհայտ թռչող օբյեկտների մասին փաստերը, 9%-ը կարծում է, որ այլմոլորակայիններն արդեն Երկրի վրա են: Հարցվածների գրեթե կեսը (49%) պատրաստ է հավատալ այլմոլորակայինների գոյությանը՝ սեփական աչքով տեսնելու դեպքում, հարցվածների մեկ հինգերորդը վստահում է անվանի գիտնականների հետազոտություններին, ևս 12%-ի համար բավարար ապացույց են տեսահոլովակները։ Ռուսաստանցիների միայն 21%-ն է կտրականապես հերքում այլմոլորակայինների գոյությունը։ Հարցմանը մասնակցել է 116 հազար մարդ։