Անարգել են Եվգենի Պրիգոժինի հուշարձանը

Սանկտ Պետերբուրգում անհայտ անձինք սպիտակ ներկ են լցրել «Վագներ» ՄՌԿ հիմնադիր Եվգենի Պրիգոժինի գերեզմանաքարին։ Նրա ձեռքում դրել են խաղալիք մեծերի համար, գրել է «Կոմերսանտ»-ը։
Հուլիսի 20-ին, համացանցում և թելեգրամ-ալիքներում տարածվել է տեսանյութ, որը նկարահանվել է Պորոխովյան գերեզմանատանը։ Կադրերում երևում է, որ բրոնզե արձանի վրա մնացել են սպիտակ ներկի հետքեր։ Անհայտ անձինք նրա ձեռքին խաղալիք ֆալոս են դրել։ Ականատեսների խոսքով՝ հուշարձանին արդեն վերադարձրել են նախկին տեսքը, այն լվացել են, իսկ գերեզմանը կարգի բերել։ Նշվել է, որ այն կարգի են բերել հենց «Վագների» անդամները։ Եվգենի Պրիգոժինի հուշարձանի բացումը տեղի է ունեցել հունիսի 1-ին, նրա ծննդյան օրը։ Առայժմ հայտնի չէ, թե ով է անարգել գերեզմանը։ Եվգենի Պրիգոժինը զոհվել է 2023թ. օգոստոսի 23-ին Տվերի մարզում տեղի ունեցած ավիավթարից։