Կիրակի, 05 հուլիսի, 2026 թ.
|
Ստեփանակերտում`   +24 °C

Պեսկովը հույս է հայտնել, որ ՀՀ-ն չի ընտրի այն ճանապարհը, որն ընտրել է Ուկրաինան

Պեսկովը հույս է հայտնել, որ ՀՀ-ն չի ընտրի այն ճանապարհը, որն ընտրել է Ուկրաինան
1047
Չորեքշաբթի, 24 հուլիսի, 2024 թ., 22:24

Կրեմլը հարգում է Հայաստանի քայլերը ԵՄ-ի հետ մերձեցման ուղղությամբ
Կրեմլը հարգում է ԵՄ-ի հետ Հայաստանի ընդլայնված համագործակցությունը, սակայն հույս ունի, որ դա չի կայանա Մոսկվայի հետ հարաբերությունների հաշվին։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ պատասխանելով Հայաստանին 10 միլիոն եվրոյի ռազմատեխնիկական օգնություն տրամադրելու՝ ԵՄ որոշումը մեկնաբանելու խնդրանքին:

«Կրեմլում հարգանքով են վերաբերվում ԵՄ-ի հետ Հայաստանի համագործակցության ընդլայնմանը, սակայն հույս ունեն, որ այն չի լինի ի վնաս Մոսկվայի հետ հարաբերությունների։ Հայաստանն ինքնիշխան երկիր է, ինքն է ընտրում փոխգործակցության առաջնահերթ ուղիները։ ՀՀ-ն մեր դաշնակիցն է, եղբայրական երկիր։ Մենք չէինք ցանկանա, որ նրան փնտրտուքները տանեին այն ճանապարհով, որը ժամանակին ընտրել էր Կիևի ռեժիմը: Մենք հավատարիմ ենք մեր ջերմ հարաբերությունները շարունակելուն, մտադիր ենք դրանք զարգացնել, շատ ծրագրեր ունենք»,- հավելել է նախագահի մամուլի քարտուղարը։