Հայտնի է՝ ինչ են քննարկել Պուտինն ու Ասադը

699

Հինգշաբթի, 25 հուլիսի, 2024 թ., 14:48

Կրեմլում կայացել է Ռուսաստանի և Սիրիայի նախագահներ Վլադիմիր Պուտինի և Բաշար Ասադի հանդիպումը: Ռուսական ԶԼՄ-ների հաղորդմամբ՝ այցը նվիրված էր երկու երկրների միջև դիվանագիտական հարաբերությունների հաստատման տարելիցին։

Նշվում է, որ Պուտինն ու Ասադը քննարկել են ինչպես իրավիճակը Մերձավոր Արևելքում, այնպես էլ Մոսկվայի և Դամասկոսի առևտրատնտեսական հարաբերությունները, որում, Պուտինի խոսքով, «հեռանկարային ուղղություններ կան»։

Պուտինը նշել է, որ տարածաշրջանում իրավիճակը սրման միտում ունի։ Ասադն, իր հերթին, նշել է հանդիպման կարևորությունը և աշխարհում ու եվրասիական տարածաշրջանում իրադարձությունների զարգացումը, հնարավոր հեռանկարներն ու սցենարները քննարկելու հնարավորությունը։

Միաժամանակ, Կրեմլում նշում են, որ բանակցությունների արդյունքում որևէ փաստաթուղթ չի ստորագրվել։

Ասադի և Պուտինի նախորդ հանդիպումը կայացել էր 2023թ․ մարտի 15-ին Կրեմլում։