«Մեզնից հեռու կմնաք, քաղաքական դիակներ». Աշոտ Անդրեասյան

«Հաղթանակի սերունդ» երիտասարդական շարժման առաջնորդ, ՀՀԿ ԵԿ փոխնախագահ Աշոտ Անդրեասյանը հրապարակել է ԱՀ նախագահի կողմից իրեն շնորհված «Մարտական ծառայություն» մեդալի լուսանկարը՝ կից գրելով․ «Այսքանը կարծում եմ բավարար է, որ անդրանիկ թևանյանը ու նրա սրբապիղծ աղեկյան սոնաները ձենները կտրեն ու այլ պատվերներ ընդունեն։
Այլևս մեզնից հեռու կմնաք, քաղաքական դիակներ։
Հայրենիքը գիտի՝ մենք ինչ ենք արել, անում և անելու իր համար և մենք ոչինչ չենք անում, որպեսզի դրա մասին բարձր խոսենք կամ այն գովազդենք»։
Հիշեցնենք՝ «Մայր Հայստան» դաշինքի անդամ Սոնա Աղեկյանը ֆեյսբուքյան իր էջում երեկ գրել էր. «ՀՀԿ երիտթևը, որ անընդհատ խոսում է հայրենասիրությունից, չունի Հայոց բանակում ծառայած մեկ անդամ գոնե, այնպես, ինչպես որևէ նիկոլական՝ ԱԺ պատգամավոր կամ կառավարության անդամ չի ծառայել Հայոց բանակում, ինչո՞ւ, շարունակությունը գրե՞մ, թե ո՞նց...
Բոյ բուսաթներդ առել, փողոցից փողոց հայրենասիրություն եք գոռում, բա էդ նույն Հայրենիքին ինչի՞ չեք ծառայել, ինչի՞ եք ազատվել ծառայությունից, հը՞։
Շախմատային քայլերով երկիրս հասցրիք էս օրվան, ես մերժել եմ նախկին բարքերը և մերժում եմ նախկին բարքերի ծնած, սնած ու փայփայած բարքերը։ Դուք բոլորդ հասցրեցիք իմ պապերի ու եղբայրներիս ծառայության ու առողջության գնով պահված էս հողակտորը սակարկության առարկա։ Ձեր սրտի օլիգարխներն անգամ նույնն են, ձեր նողկանք առաջացնող քարոզչամեքենան նույնն է, զզվելի եք, նայեք մեր զինվորների աչքերի մեջ ու կտեսնեք, թե որքան ճղճիմ ու ողորմելի եք, որ ձեր միակ զբաղմունքն ու աշխատանքը էս կամ էն խաղացողի օգտին քոմենթ գրելն է, մինչդեռ մարդկային արժեքների կրող չեք ինքներդ, որ ինքներդ կարողանաք կերտել ձեր ապագան ու փրկել սեփական Հայրենիքը։
Կեցցեն այն երիտասարդները, ովքեր ոչ թե ծառայությունից փախել են, այլ՝ ինքնակամ են մեկնել ծառայության, այ քստմնելի տզրուկներ, ու դուք դեռ խոսելու կամ կարծիք արտահայտելու իրավունք ունե՞ք։ Կանգնեք հայելու առաջ ու ինքներդ ձեզ հարցրեք, թե ի՞նչ եք արել ձեր կյանքում, բացի ֆինանսավորված ու պայմանավորված ակցիաներ կազմակերպելը, այ դրանից հետո ինքնուրույն կգրեք ստատուս...»։