«Շոյգուի այցը Բաքու մեծ աղմուկ է բարձրացրել»․ Կարեն Հովհաննիսյան

Ռազմական փորձագետ Կարեն Հովհաննիսյանի ֆեյսբուքյան գրառումը․ «Շոյգուի այցը Բաքու մեծ աղմուկ է բարձրացրել հատկապես ադրբեջանական ազգայնական ուժերի շրջանում։
Առայժմ միայն սոցցանցերի, ծայրահեղ ազգայնական կողմնորոշում ունեցող մեդիայի ուսումնասիրությունը ցույց է տալիս, որ Շոյգուն Բաքու է գնացել, որպեսզի Ալիևին զգուշացնի, հորդորի, որ չխառնվաի Իրան-Իսրայել հնարավոր բախմանը Իսրայելի կողմից։
Սոցցանցերում քննարկում են Իսրայել-Իրան հնարավոր ռազմական բախման «պատմական հնարավորությունից օգտվելու» մասին։
Դեռևս պաշտոնական հաղորդագրություն չկա, թե ինչ են քննարկել, կամ քննարկում Շոյգուն և Ալիևը, սակայն վերլուծական շրջանակներին արդեն պարզ է քննարկման նյութը»: