Չորեքշաբթի, 17 սեպտեմբերի, 2025 թ.
|
Ստեփանակերտում`   +15 °C

Ռուսաստանն ու Ուկրաինան միմյանց մեղադրում են Զապորոժիեի ԱԷԿ-ի հրդեհման մեջ

Ռուսաստանն ու Ուկրաինան միմյանց մեղադրում են Զապորոժիեի ԱԷԿ-ի հրդեհման մեջ
500
Երկուշաբթի, 12 օգոստոսի, 2024 թ., 10:36

Կիևն ու Մոսկվան միմյանց հասցեին մեղադրանքներ են հնչեցրել, երբ կիրակի երեկոյան ուժգին հրդեհ է բռնկվել Եվրոպայի խոշորագույն ատոմակայանում՝ Զապորոժիեի ԱԷԿ-ում, հաղորդում է BBC-ն։

Երկու կողմերն էլ ընդունել են, որ հրդեհը չի ազդել ճառագայթային անվտանգության վրա, սակայն միևնույն ժամանակ, ՄԱԳԱՏԷ-ն (Ատոմային էներգիայի միջազգային գործակալություն) նախազգուշացրել է, որ նման սպառնալիք կա։

Ուկրաինայի նախագահ Վլադիմիր Զելենսկին նախօրեին հայտարարել է, որ Զապորոժիեի ԱԷԿ-ում, որը Ռուսաստանն օկուպացրել է 2022թ․, հրդեհը կազմակերպել են ռուս զինվորականները։ Իսկ Կրեմլի կողմից նշանակված Զապորոժիեի նահանգապետ Եվգենի Բալիցկին ասել է, որ հրդեհի պատճառն ուկրաինական կողմի գնդակոծությունն է։